قصيدة الشاعر / فائز بن حافظ السبر
ياما بديت براس حيدٍ مهابه
عسرٍ على ولد الردي مايعديه
أسري ومصباحي محل الذيابه
اللي لياحافت مصابيحها فيه
يومنّي أذوب شبات الذبابة
واليوم ألامس مطرح الفرض وأخطيه
اليوم للضحّاك منّي عجابه
اللي من أول يوم يفلس نغديه
ولن جو للديّر وهدت كلابه
انهض لهم والمدّرق ماأدّرق فيه
مالي على بيت القصير انسحابه
أخوٍ لراعيته لياغاب راعيه
وإن جاء على التالين صوت وضبابه
اثني يومٍ اللاش يلزم بناخيه
ولاجالي الفرّاع بين القرابه
ولااشيل من هاذا لهاذا ووديه
وإن كان ماهو صدق قولي عيابه
يقطعك ياهرجٍ ولا الصدق حاميه
ليست هناك تعليقات:
إرسال تعليق
تذكر!!! تعريفك بنفسك يضمن نشر تعليقك
ملاحظة:
التعليقات الغير معرفة خاضعة لتحرير الإدارة