حفل قبيلة بقيل لقبيلة مطير

http://youtu.be/eFrhMMPusvA

قصيدة الشاعر غازي مرزوق في حفل قبيلة  بقيل لقبيلة مطير

ردقبيلة الهجال على ذوي فايزالسبورة

حداة ذوي فايزالسبورة في زواج الشيخ ناصرعواضه بن شاكي الهجلة

لندن

مايليق  من الحديث  الا جميله

ولا يطيب من الفعول الا الجزيله

والمواقف تختلف  فيها المواقف

والكلام  يعوض عن  كثره قليله

هيه يااللي في ثرى لندن لعبتوا

احتفلتوا  والله اعلم  بالحصيله

ما دريتواعن جبل دخان  وينه

وما دريتوا عن رجال  فالثويله

الرجال اللي على الحد الجنوبي

الرجال  اللي  يشيلون  الثقيله

جاعلين الروح دون الدين ترخص

والوطن دونه هم سيوف  صقيله

والرجال اللي بعال الجو طاروا

يوم طاروا ضيع  الخاين  دليله

بالنهار وبالليالي ما استراحوا

خلو  الحوثي  على  نار ومليله

والرجال اللي على طول السواحل

ما  يعرفون  التعب والمستحيله

فارضين  الحظر  والهمه قويه

ما يجي  للخاين  المجرم فتيله

يوم بعض الناس همه في فريقه

همنا  كيف  الوطن  همه  نزيله

-------------------------

شعر 

اللواء الركن 

  مطلق الازيمع

    قائد المنطقة الجنوبية

رشاش

ﻻطش رش ارشاش يهتش جاشي 

       وبش اشتعال البرق بشعاف خداش

مشيبن لشتب وجاله رهاشي

       ونشأ من المنشأ نواشن لها رباش

هشاش لبشه لامشاء ما يناشي

        هتاش نشاشن وطشاش رشاش

محيي هشيم القشع لوهو قشاشي

       لوهو هشيمن مشهبن قش وقشاش

لا ناش شعبانن ومشت ما تناشي

      ما يمشي شبرن منه يدهش ادهاش

وليا دغش في ناشفات العشاشي

         قشع شلايخها وشيب بالارامش

وﻻ نش ينشيله صدوق المناشي

      شين من المنشأ نشأ يرهش ارهاش

كش وتكاشح بالعشي له غشاشي

       غيشن يشيل آليا غشا كل ما ناش

وشخيف شعفه شيبن له خراشي

     اخراشه اخراش الوحش حين ينداش

لاشاف لولاش ابرق الريش لاشي

   وبين اشهب العوشق مرش كل معتاش

من اشقرن لانش نشه غطاشي

       وتفرشه عقب الكشه حطه فراش

عقب المشابط والنشب والباشي

         تناوشه عوق الخريشا بمنواش

شكله شكل شعفن نشاله مناشي

        وبشة خشين من الشخاتير نشاش

يشلع من المنشأ ولشرق ماشي

     ويبطش له الشرقي كما بطش هواش

ومن بعد لوشه بشهرين وغواشي

        هروش عشبه تنعش القلب بنعاش

متشابكن يشبع به الطرش ماشي

     ومن الشحم يشتالبه طيش الادباش

والعشب يشبع فالغبيشه قراشي

    ويشف شوف اشوار وشعير مجراش

الملازيم

والله ماني على هوا القلب مقدام

لكن  طق  الباب  قافٍ  سرابه

ياخال صار بداخل القلب قسام

قسم الجوار وقسم خص القرابه

تلزم ملازيم اللزايم على الزام 

يامعدي مرقاب الهوا والتوابه

تشكي طرد الهوا يمدك بالاسقام

ولاظنتي بينك وبينه  حرابه  

مادون حرف النون ميات الاحلام

امرٍ سماح ولاحدوك العصابه

تقنب قنيب الذئب في نقرة الشام

تقنب قنيب الذئب اللي عطيبٍ صوابه

يامن لجاه السم من فوهةالسام

ترى علاج السم قسم الطبابه

من كثر همك قب راسك بالاورام

وأثر بلاك الشوك ماجاك نابه

وياويل من بالسين والجيم والنام

وثنين وثلاثين سنه ماشاف بابه

ثمان سنين بدون غتره ومرزام

ثمان سنين وشوف عينه جنابه

وثمان سنين بين البصمه والابهام

وثمان سنين منهياتٍ عذابه

يضوي على المجمول في غبة أنعام

يضوي على المجمول محدٍ درابه

وسجيت سجت من يعمر بالأوهام

يبني من البيداء قصورٍ تشابه

سلام تسليم على شرع الاسلام

من رائد مضحي ...

قال فاطم المشرافي

سلام تسليمن على شرع الاسلام
من أبوخالد خص لبو مبارك
مغلفه بالورد يبن الاكرام
لعل بيتك يابن فايز مبارك
ياحمود ما جاني لحفلتك عزام
والقصد ودي في فرحكم نشارك

رد حمود بن فائز على فاطم المشرافي

يامرحبا عداد من احرم ومن صام
ياللي على المشراف شبيت نارك
جتني رساله عقبها القلب ما نام
ياصاحب الجوال جاني شعارك
نبغى نعوضك كان طالن الايام
لو تعتذر ما اقبل تراي اعتذارك
ألكم عزيمه خص معذرك ولزام
مني رساله لك وأنا في أنتظارك

رد فاطم المشرافي على حمود السبر

جعل الفرح لك دوم والعز لك دام
لكن فاتت ياوسيع المدارك
ما قدر المولى على العبد حتام
وأعرفك منت للمواجيب تارك
يابو مبارك باغي مسكها ختام
واللي حصل خله ضريبة جمالك

رد حمود فائز على فاطم المشرافي

ياواحدا في الطيب لك تاج ووسام
صدرت لي من غير خله قرارك
طيرت عنا النوم والقلب مهمام
غالي من حشمتك زعلت جارك
حددننا الموعد قبل ينتهي العام
ما فات غير الشر والدار دارك

الشواطن

من خلف حمود

قصيدة بجد بن ماجد ردا على نايف ابن حبيليص :


راكب اللي تو ماطلعوه من الجميح / 

من ضواح الحفر ياتو ماشيك علاه :


في لزومه مرسله صاحب العقل الرجيح / 

والدريول يعرف الدرب مايبغى وصاه :


ان وصلت اليا الشواطن تفضل واستريح / 

عند ربعي فالشواطن على حشمه وجاه :


ربعي اللي تكرم الضيف مافيهم شحيح / 

كلهم ماخص احد وكل حبا من ذراه :


وانشد اهل العرف فالعلم والهرج النطيح /

منهو اللي كلمته ماوزنها وش بلاه :


الخطا وش موجبه والقدا دربه فسيح / 

الخطا راعيه والله مانتبع رضاه :


العذر والمعذره منك يالوجه الفليح /

والله انا مارضينا بعكس الاتجاه :


انت الك شرهه وحنا نباها يالسميح/ 

وانت مثل طويق وإلا كما ضلع السراه :


انت جهدك مانسيناه ولسانك فصيح / 

بارك الله في جهودك وزادك من غناه :


موعظة من علي ثواب السبر

 المرسل تركي حمود

موعظة من علي ثواب السبر

فكرت بالدنيا وعبرت الامثال

مثايلن تحكم وهي محكومة

دنيا الرحيل اللي بها العبد رحال

يمحي الزمان ولاتغير رسومه

يامخذت جيلن وتاتاخذ جيال

وكم خيرن ماباقي الا علومه

وعمر الفتى لو ياخذ ايام وليال

لابد من يومن تنزل هدومه

ياجاهل الدنيا ترى الوقت ختال

إفطن وفرق بين ليلك ويومه  

ماينفعك كثرة عيالك والاموال

مكسبك من مالك غثاه وهمومه

كم واحدن معطا من اموال وعيال

لاشك نفسه من عطاه محرومه

مشاكل الدنيا عريضات وطوال

والوقت قد بانت مضارب سهومه

عزي لمن زمانه علا الجال

حضه ردي لوكان نفسه عزومه

لوكان بيته لاهل الطيب مدهال

من سو حضه كل الامه خصومه

تعبان ماحصل مع العالم ريال

ماله قليل وكل حين يلومه

ومن زاد ماله قالوالناس رجال

كثرو محبينه ولو كان بومه

زانتله الدنيا وجنله على البال

من شاف ماله مانشد عن سلومه

لاشك لو زانتله ايام تنزال

 وخسر حياته مايحقق  حلومه

والحر لن ضاق وعليه الدهر مال

يشهر وله في عالي الجو حومه

تلقا مواقيعه على روس الاقذال

ولا ياقع الا فوق عالي رجومه

الله  من قلبن بدا فيه ولوال

من كثر همه ماتهنى بنومه

ويالله ياللي للصعيبات حلال

ياللي لك نصلي وشهرك نصومه

ياخالق الدنيا وعالم بالاحوال

يافارقن نور القمر عن نجومه

تجعل لنا في جنة الخلد منزال

عطفك ولكفك يامنشي غيومه

وصلاة ربي عد ماهل همال

على نبين ثبت الله قدومه

قصيدة حمود بن فايز السبر في شقيقه عبد الرحمن السبر

من مبارك حمود

 قصيدة حمود بن فايز السبر في شقيقه عبد الرحمن السبر اثناء مرضه قبل وفاته عندما قام بزيارته.

ماحسن المسراح في وقت البرادي

ناصي الطائف وربعن فالحوية

لي قصد ولي في الطرقة مرادي

قصدي اللي شوفته حقن عليه

ماش مثله ظن قلبي وعتقادي

بالشجاعة والكرم والشاذلية

لو عددهم كثر عمدان الجرادي

مثل ماقالوا شجر من غير فيه

اربعة منهم بعيد عن السوادي

نعم واللي غير والذمة برية

الشاعر بجد ماجد السبر

من أبو حمود ...

الشاعر بجد ماجد السبر

سلام ياللي ماقدرت أتعداه

من حشمته مغليه وأغلي عياله

ابو مبارك جعل الانذال تفداه

راع العلوم الطيبه والشكاله

نومس بني عمه على الطيب والجاه

يضحك حجاجه ويتجدد قباله

يفز قلبي كل ماوحيت طرياه

لانه على الطالات مرخص حلاله

لعل مايعرض على النار جمهاه

ويجعل مايونس من الوقت ماله .

رد أبو مبارك

يامرحبا ترحيبن القلب يملاه

عداد مانشى وخيل خياله

الطيب بين الناس مثل المباراه

ويفوز به من جود ابوه خاله

ثوب الشرف والطيب مثلك لبسناه

والطيب وهبه والشكاله سلاله

ولاكل واحد تكسب الطيب يمناه

والهادي المعبود جل جلاله

وانتم من اهل الطيب ماهي مراواه

يوم الردي يقصر وتقصر حباله

بجد ليا جات اللزوم أتمناه

سلم ومد الخط ماهو رساله

عساه بالتوفيق مشيه ومسعاه

ومن حنكه بالطيب تكرم سباله

موعظة

 قال الشاعر /عبدالرحمن فايز السبررحمه الله هذه الابيات موعظة

 

قاله اللي زاد هاجوسه وفكره في مراده    

   والبشر فيما تشوفه مهتدي منهم وغادي

يالله إنا طالبيــن رضــاك يــاراحـــم عباده    

     ياولي العرش ترحمنا ليا نادى المنادي

ومن كثر شعره بياض وزاد في قلبه سواده   

    كان ماربي غفر له يم ميعاد يقادي

ومن زرع له في حياته خير يربح في حصاده   

  ومن زرع له غير ذالك خاسر يوم الحصادي

ومن يوفق فعل خير يعينه الله فاجتهاده    

       وماتدوم الك الحياة أطلب من الله الرشادي

يالطيف الطف بنا كل منزل من شداده        

        مرجعلك يالعبد قبر تسكنه علم اللحادي

لين يبعث مع عباد الله وما سواه قاده      

         بأمر ربه حقه اللي يستحقه بانفرادي

                                                                                                بواسطه شبل السبوره

نايف حبيليص

من مبارك حمود : قصيدة نايف حبيليص العقص

- يابو امبارك مانويت اتعداك
                                حتى اني امرك وارد السلامي

- ليت الشباب يعود واشريه لأعضاك
                                لوكان مال العبد عمر ودوامي





رد ابو مبارك/


 -يامرحبا اعداد ماتمشي اخطاك

                            واعداد من لبى وصلى وصامي


-انت الرفيق وعز للي تنصاك


                            ياللي كسبت النعم شرقا وشامي

-عسى ردي الخال والاش يفداك


                           لك عندناعزوشرف واحترامي


-الطيب الك ورثه واخذته بيمناك


                           لعل من لك عقّبه بالرحامي

                                         -
لون مابك جود جنبت مناك


                                                                    وحطيتلك دون المروه محامي


                                         -يومن جانا تالفونك بشراك


                                                                    والله فرحنايارفيع المقامي

قصيدة الشاعر بجد ماجد السبر في أهل المدينة

       

      من تركي حمود السبر – المدينة المنورة

·       قصيدة الشاعر بجد ماجد  السبر في أهل المدينة

-        بيض الله  وجيه ربوعي أهل المدينة

جعلهم فالمراد ولايجيهم صدوف

-         راعي العلم الابيض جعل ما الله يهينه

محزمي فالشدائد والرخاء والظروف

·       رد تركي حمود عن أهل المدينة

- ماش فيها غرابه واجب مقدمينه

التراحيب والتكريم حق الضيوف

-        سلم لاجدادنا من بعدهم لازمينه

         قدم الشاذلية ثم جيب الخروف

.رد علي ثواب على بجد ماجد 

- مرحبا بالرسالة والعلوم الثمينة

عد ماخطت الاقلام نظم الحروف 

- واجب الرجل دين لازم يسد دينه 

مايوخر عن الواجب ياكود الضعوف 

زومالة العقصان للشاعر مناور فالج طايع في ملتقى بني عبدالله

الشيخ / بدر بن فيحان بن درويش (رئيس مركز العمق)

الشيخ / نايف بن بندر بن درويش (رئيس مركز المطاوي)

 

من مبارك حمود السبر.. 

زومالة العقصان للشاعر مناور فالج طايع في ملتقى بني عبدالله 


سلام ياشيخآ بنى بيت المعزة فالمطاوي


نايف ولد بندر وبن درويش مزبان الجلاوي


يشهد له التاريخ يوم الناس تبلاها البلاوي


آلاد شاطر مكرمين الضيف وكعام الحريب


والثانية فرحه وعيد بعودة الحر النداوي


اللي عطاه يخلي الفقران في وقته غناوي


والفقر راح من السعودية مايبقاله شلاوي


من فعل عبدالله لعله عن نضرنا مايغيب


والثالثة حنا هل البندق ليا جات العزاوي


عقصان أخذنا البيرق اللي فوقه الرصاص عاوي


بياعة الأرواح يوم الخصم فالمرحان ضاوي


ميقافنا فالقرن يوم الدم سال مع الشعيب


والرابعة ياشيوخ عبدالله بعيدين الهقاوي


المجتمع ماهو على ذبح الذبايح والقهاوي


نبى نشوف اللي تعانيه القبيلة من دعاوي


أمورمايدري بها ياكود من قلبه لبيب

حداة مبارك بن حمود المطيري وزملائه

حداة مبارك بن حمود المطيري وزملائه في زواج سعد غلاب المورقي بتاريخ 28/7/1432هـ

سلام مثل النوء مع برقه مزلزلتن رعوده فالمخايل ٠

يالعزوه اللي فعلها يعرف على الجدان ماضين الفعايل٠


يشهد لهم حاضر وماض الوقت في ظهور الاصايل٠


جينا لكم عانين ونبارك عساكم تسلمون٠


والثانية لجل سعد وأبوسعد جيناه من كل القبايل٠


كلن يمثله قبيله مع هل الوقفات وافين الخصايل٠


علم الحيا والطيبين يبين ياهل العرف مايبغى دلايل٠ 


في كل دار رجال لحقوق الرجال يكملون٠

أفراح العيورة

حداة حمود فايز السبر في حفل العيورة بالمهد

سلام لأهل العزوه اللي كل من يسمع بسمعتها شكرها

لن صار فالأيام عدل وميل في وقفاتها كل ذكرها

أهل الكرم وأهل الشجاعه والعلوم الطيبه دايم فخرها

والله على ماأقول شاهد والقبايل كلبوهم يشهدون

والثانيه من صار منا صار همه همنا والعين يقداها نظرها

والعز بالله مع طريق الحق والأيام من يأمن دورها

الله يكافينا ويكفيكم ومن يسمع ليا شانت خطرها

شيء سمعنابه وشيئا في حراكاته نشوفه بالعيون

والثالثه ويش رجل أله عدة رموز فالقبايل معتبرها

يجيك في مقدم ربوعه يوم يدعى كل مشحونه حضرها

وبنات أله عشاق من كل الدير يأتنله حتى هجرها

يارد على ماهن ومايسمع بلافي دوره وأسقاه جعله مايهون

إهداء إلى العقصان

من سامي السبر..

هذه قصيدة الشاعر لافي الصيده في حفل زواج عبدالله بن فائزالسبر

(إهداء إلى العقصان)

 
 
 

سلام ياعيال عودٍ له سماء الطيب دار

 
                                               فايز على اسمه سماء العليا تعلابها



طيبه سمعته تناقله الرجال الكبار


                                         راعي دلالٍ وصينيه يحلَّابها



عرفت منكم مبارك للمراجل شعار


                                              نعمين في لحية الرجال وأشنابها



وافي خصايل عريب الساس نادر حرار


                                              بالطيب تشهدله المطران وأصحابها


سلام ياهل الوفاء وأهل الشيم والوقار

                                              يالعزوه اللي تنومس من تعزوابها

عقصان لاكبرة القاله وطال النهار

                                       يرسون مرسى رواسي نجد وهضابها

قومٍ لياثارت الهيجاء تبيع العمار

                                      في سوق ياطالب العليا هذا بابها

أهل السيوف الشطيرة والقنا والقصار

                                               مسلباتاً سهوم الموت فارقابها

مفرقين الجموع متيهين البكار

                                   ذبّاحة الحيل سور الدار وحجابها

هذي حقيقة وتبقى ماعليها غبار

                                    مطير دائم حسام الحرب وسبابها

 

 شاعر الجزلات/ لافي الصيده

سعود ناير الشاطري

حداة سعود ناير الشاطري على بنيخية السبورة
الأولة سلام يابيتن مبانيه معموره
بيت الرجولة والشرف منزل بنيخينا السبورة
نزداد طيب ومعرفة وإجلال يومنا نزوره
حنا ليامنا وردنا مانذوق إلا القراح
والثانية كلن ليا ثار الدخن معروف دوره
حنا هل الماقف حمات الدين جند إخوان نوره
من هاز دين الله نوقف لقمته في وسط زوره
ماعندنا للي يشره فالوطن غير السلاح
والثالثة من ينشد حمود السبر ويطيع شوره
عن عرق مايابس يباس العود ثابتن جذوره
وإن كان ماسماه ماني جابره والكور كوره
حمود حرن لان نصاه العلم يكفخ بالجناح

رد بنيخيه السبورة
قال مبارك حمود السبر
الأوله. يامرحبا ترحيبتن مثل القمر لاشع نوره
ياخالنا للي جالنا عاني وعبر عن شعوره
من خاطرا صافي بعد جيتولنا زادت سروره
ليا وردنا مثلكم نشرب ظلام الليل ولا في صباح
الثانية. ميقافنا دون الوطن درعه وسوره
نرخصله الارواح من دونه لياجات الخطوره
دون الوطن ماهمنا في برد ولا حروره
عدونا نسقيه وقت المعركة سما ذحاح
الثالثة تسمع كلام حمود في حزت حضوره
هذا النسب بين العرب معروف مبنيه جسوره
والحب يالعراف من بذره  ونوعيه بذوره
للي رقاء فالعاليه يرقى ومنهو طاح طاح 

يوم وقفات الهجال

حمود السبر يرد على زومالة الشيخ مسعود بن عواضه ال شاكي الهجله