دق ناقوس الخطر قال ثار الحرب ثار
حي من خطط ونفذ على دجالها
إيه يا سلمان قدام ياعز الديار
بو فهد وليا إرتكى للمهمه شالها
معك جيشٍ لازهمته يبيعون العمار
يرخصون الروح لأجل الوطن وفدالها
شلعن مع تالي الليل يشدن الحرار
طايراتً وأعتلوها قروم رجالها
والعلم رفرف وفوقه إشعار الانتصار
راية التوحيد ترسم على اخضر شالها
صبح الحوثي قبل يبتدي ضوء النهار
فوقهم صب القنابل وخبث فالها
حي والله يوم نسمع دوي الانفجار
واعتلى الدخان للجوء من زلزالها
جته ضربه قاسيه من طويلين العمار
ضربت(ن) منها يعاف اليمن وجبالها
ياعدو الدين مالك ملاذ ولا فرار
والله انا في عيونك نخل اخلالها
عارفين اللي يمدك ويعطيك القرار
والعقارب دايماً سمها بأذيالها
العمايم سود ووجيهم مثل الجفار
نعنبوا ذيك اللحاء اللي على زبالها
يالمجوسي ياعدو الشريعه يالحمار
خارج المله وكل الحيل تحتالها
كيف لك عين وتكلم وعرضك مستعار
قال متعه لعنة الله على من قالها
ياسلايل خامني تو من زاح الستار
وبينت كل الخبايا على عقالها
والله ان ما همنا الثعلب اللي معه فار
ومادرينا عن ضعاف البشر واحثالها
في حماة اخوان نوره معسفة المهار
الملوك اللي تطاول ولا احدً طالها
بقلم الشاعره/ هياء الرحيمي.
ليست هناك تعليقات:
إرسال تعليق
تذكر!!! تعريفك بنفسك يضمن نشر تعليقك
ملاحظة:
التعليقات الغير معرفة خاضعة لتحرير الإدارة