ذوي عيد

 صاحب القلب المعنى يقول ...

واهيلتي
واهيلتي وافكرتي في ذوي عيد
 ما كننا منهم ولاهم بمنا ..
يجوون فالطايف إمرار وتراد يد
ما منهم اللي بالزيارة وصلنا..
شفت التفكك في عيال الأجاويد
يابو علي ماجت على ما تمنا..
وين الرجال اللي تعرف المناقيد
أقفوا عن الدنيا وقلبي معنا ..
أقبورهم تذري عليها الصواهيد
واللي بعدهم سجوا الله يمنا ..
مثل القماش اللي كما قيل تقليد
ضعنا وضيعنا تقاليد أهلنا ..
اللي لهم فالعلم صدره وتوريد
واليوم مادري وين يابو مهنا ..
ما باقي ألا عقبهم زيد وعبيد
والكل كنه عن رفيقه مجنا ..
ما تطرح الأهداف عوج البوار يد
الله يقر أماننا في وطنا ..
واللي قريب عندنا كنه بعيد
يابو علي لا هنت وش جاه منا ..
لوهي بضربة سلاح و إلا قصاميد
والله ليذكرنا ولا يرجهنا ..
لكن نعمه جعلها تم وتزيد
شبعوا وكلن من رفيقه يونا ..