العيد الكبير

حداة مسعود بن شاكي الهجله لحمود السبر العضيله

سلام ياقصر جويد الساس واركانه منيفه

دايم على عز ووفا ما يكرهه جاره وضيفه

ما يختلف بنيانه العامر بمر باعه وصيفه

عساك ياقصر الوفا عامر ولك نور منير

والثانيه ياشايب دايم حركاته ظريفه

رقا سنام المجد لو دونه مواقيف كليفه 

جيناك من دار المصيف اللي يشوق في مصيفه

جينا نعايدكم نهار العيد في العيد الكبير

انشدك عن رجال ريس قسم مبلي بالوظيفة

عنده ثلاث موظفات وكل وحده في وظيفة

يديرهن في مجتمع من عادته مليان خيفه

واللي يدقق بالعمل رجال ماهو بالمدير

الرد من حمود بن فايز السبر على حداة مسعود الهجله

يامرحبا ترحيبة مثل الشجيع ليا أعتزى ويسل سيفه

بالطيبين اللي نوادر من حرارن مايصيدون الضعيفه

 تاريخهم يشهدلهم حاضروماضي يوم في الأوطان خيفه

والجد الأول منهجه بالطيب عقبها وصايه لصغير

والثانيه جيتو شرف وقلوبكم يأهل الشرف دايم نظيفه

أنتم ذوي شاكي لياكلن شكى ماهمكم نقل الثقيله والخفيفه

 الله يحيكم ومبدا الطيبه من يمكم ماهي طريفه

زبن الدخيل ليا دخل لوصاردونه مايصير

واللغز أشارات المرور إلهن عمود معلقات فيه لمبات خفيفه

كلن لها واجب منظم وقتهن والناس توقفهم صفيفه

مافيه ثاني حل كان اللغز له معنى على قد الصحيفه

عقلي شويري في حلول اللغز وانته لك شوير