حداة الهجال على ذوي فايز
للشاعر مسعود عواضه الهجلة
للشاعر مسعود عواضه الهجلة
سلام ردة لأهل التقدير وأهل الواجبات
ربعي ذوي فايز لعله في الجنان العاليات
من قال فايز مات قلنا اللي مثل فايز مامات
يالله يارب كريم يفوز فايز في ثوابك
............
والثانية يالشايب اللي لك فعول سابقات
بالطيب وأعلوم الرجال اللي تناقلها الثقات
العام قدمت الهدية وأنت راع الأولات
واليوم حان الوقت في مردودها وأحسب حسابك
.............
أنشدك عن رجل وحرمه عقبهم بنتين دوم مكتفات
وبنتينهم من غير زيجة خلفن أربع بنات
ويصير للمجموع عمه جامعه كل الشتات
ياصاحب التفكير وش تفسيرها عطنا جوابك
.........
رد ذوي فايز على حداة الهجال
يامرحبا عدت نجوم في سمها بادات
ياربعة دايم مواقفها على عز وثبات
ألهم مواقف في المحاضر والعلوم الماضيات
يالله تثبتهم بدرب الحق قرب من جنابك
..........
والثانية من بعد ما وصلت ركايبكم وجات
يامرحبا مليون في مليون يأهل الموجبات
وإن كان وصلتكم هديه فأنتم أهل المكرمات
وإن كان جات الطيبه ماهي غريبه في كتابك
..........
ياللي طرحت اللغز حله حسب تحليل الصفات
هذي عراق الدلو والأوذام واللي باقيات
وأن كان حله صح قولوا صح ماش مجاملات
وإن كان ماهو صح مانعرف خطانا من صوابك
ليست هناك تعليقات:
إرسال تعليق
تذكر!!! تعريفك بنفسك يضمن نشر تعليقك
ملاحظة:
التعليقات الغير معرفة خاضعة لتحرير الإدارة