قصيده فكاهيه للمعلمين

 

الشعر وهبه والمشاعـر  براهيـن والشاعر الموهوب ياصـل مـراده

سلام ياللي ساكن القلـب والعيـن قلبي فراش وعرق قلبـي  وسـاده

الصاحب اللي صحبته عدة  سنيـن مرت واخذنا من بعدهـا  الشهـاده

من جامعة هم الزمـن والمعاويـن كليـة اللـي تحتفـيـه الـقـراده

اللي مضالك يابيض الوجه ترميـن وانته من التعليـم تبغـى  الافـاده

وانا سلكت الدرب من فوق هيويـن عز الله اني شفـت منـه  النكـاده

اونست في صدري كما وخز  سكين وصبح الربوع اصبحت عند  العياده

قالو علامك ؟ قلت ماوضعي بزيـن مـدرسٍ حـازم وفيـه الـجـلاده

قالو ماعمرك يالمطـاري بعشريـن يمكن ورا العشرين عشـره زيـاده

قلت الخبر ؟ قالو على الهون وتبين الضغط زايد من ورا المـاد  مـاده

والسكر اللي داخـل الـدم ميتيـن وباقي تقاريرك مع الاخـت  غـاده

ياشيب عينـي شيبتنـا الوراعيـن من بينهم كنـي عمـود  الجـراده

غادّلهم صيحات فالفصـل وونيـن هـذا رمـى هـذا وهـذا  سنـاده

ونوب اشترك فرّاع من بين خمسين واليا الشوش راحت سوات  العراده

لا والله الا حبهـا عـوّد طحـيـن حرب البسوس اللي بليـا  هـواده

الضرب يمنع حسب كـل القوانيـن ما من سعاده عقب هرج  (السعاده)

والراتب المحسود ما غاره  الفيـن مايدور يومه غير يعلـن  حصـاده

تبغى الحقيقه مانبا اليـوم  تعييـن الرزق عنـد اللـي يمـد  لعبـاده

اخوكم مهباش السبر