أبدأ بذكر بذكر الله عزيز الكون الخافض الرافع
تحية مخلصة مني أبدأبها ورد بها السلام
أبو ماجد تراه بدر في السماء ساطع
وصعود لكل من هو فكره هدام
أبوه راع البل وذكره شايع
وليا ضاقت به الاريا بالوسط شد لها الحزام
وبني شاطر قبيلة صوتها ذايع
قبيلة كلها فرسان اليوم وسابق الأيام
قبيلة من مطير اللي لها صولة في عصرنا الضايع
وأنا جدي خشيمي والخشيمي للعدى لطام
(السيف الشطير)
رد الخال هليل لفا نيابة عن أبو ماجد
مرحبا ترحيبة لاشاري فيها ولا بايع
ترحيبة تبقى ذكرى عام بعد عام
لمن جده في حياته يشبع الجايع
تنام الناس ومعشي الأيتام ما نام
ومن عقبه عياله مثله والطلايع
والنعم والله بهم سبعة أنعام
خوالهم مذوقين الرجال اللكايع
توقع لهم شيوخ القبايل بالإبهام
خوالي الخشمان مسوقين الودايع
وأنا شاطري وسام(ن) على وسام
ربعنا المطران متعبين النجايع
في ماضي الأيام محفين الأقدام
أهل المعجزات مطلقين الدلايع
هذا صحيح القول ما هو بالأوهام
وعندنا عليها دليلات الوقايع
وعليها من الدلايل بيوت غنام
وصلوا على المرسل بالشرايع
مرسل بالدين وشروط الإسلام
ليست هناك تعليقات:
إرسال تعليق
تذكر!!! تعريفك بنفسك يضمن نشر تعليقك
ملاحظة:
التعليقات الغير معرفة خاضعة لتحرير الإدارة