مساجله شعريه

مساجله شعريه بين الشاعرين بجد ماجد بن رزيق السبر العضيله والشاعر عبدالرحمن فايز بن حافظ السبر العضيله

يقول الشاعر بجد ماجد السبر :

بسم الله المعبود عـلام الأسـرار ×××× واللي بدأ بسمه يحصـل فضيلـه

يالله يامنشـي مخاييـل الأمطـار ×××× تغفر لعبدك كـل يـوم(ن) وليلـه

أطرا علي الشعر وكثرن الأفكـار ×××× والشعر يرسل من عميل لعميلـه

واليا بغيت الشعرمانـي بمحتـار×××× راسطر حروف القوافـي جزيلـه

أخذت من عرف الرياجيل واختار ×××× وكل(ن) على ماقيل قلبـه دليلـه

الشعر له في بعض الأوقات مقدار ×××× ونوبا" يخفف لـه حمـولا" ثقيلـه

قلته وأنا راعي وفاء وأحكم الشار ×××× وربعي هل الطالات وأهل الاصيله

اواصل ربوعي من يمين ويسـار ×××× والله يجملنـا لفـعـل الجميـلـه

أخذت لي جوله وعـودت للـدار ×××× عندي أجازه مير ماهـي طويلـه

مريت أبو مضحي له حقوقا" كثار ×××× غالي وأعده من رمـوز القبيلـه

يفداه من لايكرم الضيف والجـار ×××× ويفداه راعي كـل نفسـا" بخيلـه

هذاك ملفى للرياجيـل الأحـرار ×××× يوم الـردي ماجالـه الإ عديلـه

تمت وصلى الله على خير الأبرار ×××× وعن كثرة الهـرج يكفـي قليلـه

وهذا رد الشاعر عبدالرحمن بن فايز السبر :

يامرحبا بحروف وافين الأشبـار ××× أهـل النقـا حلالـة المستحيلـه

طيب ومأخذ له من الطيب مشوار ××× يأخذ من الجزلات فكره جزيلـه

نعما" بأبو ماجد ليا صار ماصار ××× لن ولعـو بالنـار رأس الفتيلـه

له مجلسا" يلقى مع اللي لهم كـار ××× مجلس رجال اللي يعرفه يجيلـه

لعل ماتعرض عظامه على النـار ××× حسن السجايا مشتهر جوف جيله

بالطيب له مارد ومشرب ومصدار ××× والمرجله لو كلفت مـن حصيلـه

والله لعده صقر في كـف صقـار ××× مايستمع فأهـل القلـوب العليلـه

يصبر على شدة زمانه إاليا جـار ××× ومن لاتصف بالصبر واعزتيلـه

وحنا بلينا في ضعيفين الأبصـار ××× اللي سبيل الضعف دايـم سبيلـه

واليا لفالك غير اخبـار بأخبـار ××× مضيعـن عقلـه وضايـع دليلـه

ياراكبا" من عندنا فـوق فكسـار ××× جديـد تصنيعـه جديـدا" مديلـه

تلفي بجد بالحفر والطير ماطـار ××× وعطوه مردود الحروف الجميلـه

انته سديد الرأي في كـل معيـار ××× وإلا ضعيف البصـر مانشتكيلـه

أبـوك لايكـذب ولاهـو بغـدار ××× اصدق خليلا" وافيا" مـع خليلـه

هذا وصلى الله على سيد الاخيار ××× محمـد اللـي كلـنـا ننتميـله

اخـــوكم نــاصرالسبـــر