السبر والهجله

مشاركة من خلف حمود بن فايز السبر

حداة مسعود الهجله
سلام ياقصر الوفاء واساس كل الطيب ساسه ..

بيت الكرم والجود ماحطو لبيبانه حراسه
وليَا دخلت القصر وليَا كل جمع الناس ناسه  .. 

عساك ياقصر الوفا دايم على عز وثبات
ابا انشد اهل العرف عن رجال ماتسمع حساسه ..

له حرمتين وحده خلفه والاخرى عند راسه
والرجل له بنتين وعياله اثنين نصفهم عاري وباقي النص لابسن من لباسه 

.. وإحدى بناته تلهسه وبنته تسدد له طعون (ن) موجعات .
                      *   *   *  *   *   *   *   *   *   *   *   *   *   *   *
رد حمود بن فائز السبر على حداة مسعود الهجله
يامرحبا بالشاعر اللي معه خبره فسباحه والغطاسه ..

عاقل وفاهم فالقديم وفالحديث ودارس الدنيا دراسه
وليَا بغاله علم مايصعب عليه يحصل من قوْ باسه .. 

الله يحييكم ويحفظكم بعد سارت ركايبهم وجات
والثانيه رجالك اللي تذكره متروك ماكل البشر تعرف مقاسه .. 

السدو واللي يتبعه من كل مايحتاج شغله واحتواسه
مدرى وميشع والعصى والميشزه وفنون تحتاج الفراسه ..

وان كان صح الحل قولوا صح وش طرى الفنون الماضيات
                     *   *   *  *   *   *   *   *   *   *   *   *   *   *   * 
هذي الابيات مرسله من الشاعر حمود السبر الى اخيه ابو عبدالرحمن مسعود الهجله :
سلمو لي على مسعود ياللي تجونه .. عدَ من حج مكه فوق عوص النجايب
وعد من حج بيت الله ويلمس ركونه .. طاف ثم استعى وازتار والفال طايب
ابو عامر تونسنا غرايب لحونه .. جعل عمره طويل ولا تجيه المصايب
ماطراله طرالي والبطى حال دونه .. واعجبونا النشامى بالعلوم العجايب
في يضرب بمشعابه ويضرب بشونه .. دون رد البرا فاللغز ماني بتايب
زال مالراس باقي بين زبَر امتونه .. بالشرف والوفاء منساه لو كنت غايب
                  *   *   *  *   *   *   *   *   *   *   *   *   *   *   * 
الرد من مسعود بن شاكي الهجله :
وصل السلام ولاتجيك المهونه .. ياشايب محفي خفاف الركايب
يامرحبا ترحيب تستاهلونه .. عداد مايهطل رشاش السحايب
ماردكم عن شي انتم تبونه .. لكن اخاف تكثرون النشايب
والعود فينا ليش حدد سنونه .. يحسب حلال الناس يوخذ نهايب
تلوم واحد مختلص في ديونه .. ياشايب خابرك لك راي صايب
رز الهدف والذيب حمر عيونه .. ياشايب مطنوخ من راس شايب