يــاشـاربـين الــبن ذوقـــو بــورهــــوس!!
لــو ذاقــه الخـرمــان عـــدل مــزاجــــه!!
واركو على طول الاشــانيب بالــمــوس!!
وانســو زمــان اول وطفـــو ســـراجـــه!!
دام التغيــر بالــزمـن صـــار ملمــوس!!
حجــر علــى الماضـي ودرّك سيـاجـــه!!
اول سيـوف الهند تقطــع بها الـــروس!!
واليــوم يمـكــن مــاتشــق الدجـاجــــه!!
حطـولهـا فـي متحـف الــوقت دبـــوس!!
وتـأمـلــو فـي شطـــرهــا وانعــواجــــه!!
وقتٍ مســاره عكـس والفكــر معكــوس!!
وان عاد كســرى عاش من دون تاجــه!!
العرق الاخضر صار يمشي به السوس!!
والشيــخ طـاحــت مشلحــه بالعجـاجـه!!
والخاطر اللي من بلى الوقت محسوس!!
قـلــه تــرى مــالك مــع النـاس حـاجـــه!!
بـه حــب مـجـانـي وبـه حــب بـفـلـــوس!!
وكــلاً مــن الثنتــين يــعـــرف خــراجــــه!!
ومـن يكثــر الشـرهـات بيعيش منحـوس!!
حتــى لـــو إنـــه يـنـتـصــر بـالمـــواجـــه!!
ترى الثنايا البيض من خلفهـا ضــروس!!
لا تنـخــدع مــع كــل مطلــق حجــاجـــه!!
الصــدق بصــدور الرجاجيــل محبــوس!!
والـكــذب تسمــع لــه دوي و لـجــاجــــه!!
والـطيــب مــن كـف الــرديـين مـيـــؤوس!!
والعــود الاعــوج مــا تـعـــدل عــواجــــه!!
الطيـب ورث وتـــرث واجــب ونــامــــوس!!
سكــة شــرف فيـهـا الكـــرام اتــواجــــه!!
ومن يرمي الشرهه على دقن دنــفــــوس!!
حلمــه على مـــوجٍ ســـريـع إمتــراجــــه!!
ويا طيِّــب النيــه مــن القـــوس للقــــوس!!
بيــت الخـلاصــة للهجـــوس ونتــــاجــــه!!
إن كــان ما لخصت مــن عمـــرك دروس!!
اسهر عيــونك وأســود الليــــل نـــاجــــه!!
خواطر منقوله
ليست هناك تعليقات:
إرسال تعليق
تذكر!!! تعريفك بنفسك يضمن نشر تعليقك
ملاحظة:
التعليقات الغير معرفة خاضعة لتحرير الإدارة