سلام تسليمه لها من بدة التسليم قيمة
تسليمة من طبعها تمشي الدروب المستقيمة
أقولها من خاطراً نشطان والنيه سليمة
سلام تسليماً على الرقبان راعين الوجوب
والثانيه جينا نبارك بعد ماجتنا العزيمه
من رأس شيخ من الشيوخ اللي لهم شيخه قديمه
وأنتم وحنا فالمواقف روس ما نرضى الظليمه
حنا السبوره نردع العاصي ياليننه يتوب
يامرحبا ياربعنا ياللي مواقفكم عظيمه
ترحيبت السيل الغزير اليا قفاه اعصير ديمه
وانتم هل الفعل القديم وكسبكم شقرا وريمه
والكل منكم فالمواقف له مكانه ومحسوب
الله يحييكم على الكيف المهيل والوليمه
حنا نرحب بالضيوف اللي لهم حشمه وشيمه
في حفلت اللي مامشو بين القرايب بالنميمه
حنا العيوره خصمنا يرجع رضا ولا مغصوب
عيسى بن شباب
ليست هناك تعليقات:
إرسال تعليق
تذكر!!! تعريفك بنفسك يضمن نشر تعليقك
ملاحظة:
التعليقات الغير معرفة خاضعة لتحرير الإدارة