المقناص

 مبارك حمود يقول في ...
رحلة المقناص

الجيب جاهز يابو فواز نسريبه
نبا ديارٍ بعيده جوها خالي
من دونها البعد دار ٍ عاوياً ذيبه
لصيد فيها يابو فواز مدهالي
دفع الرباعي مع الدفلك من طيبه
من يركبه ما يهاب رمال وجبالي
دام أنت ليه خوي والطيب  ضاريبه 
خوتك ليه شرف حلٍ وترحالي
من رأس جدك وأبوك الطيب ما شيبه
مجود الأصل من عمٍ ومن خالي
أخاوي الطيب اللي واضحٍ طيبه
 ما هي بخوة مصالح قرش وريالي
ما فات عن بندقك لي بندق تجيبه
آليةٍ منتقيها مالها أمثالي
نمراً لها نوع غير وشكل تخشيبه
من صنع برلين وارد سعرها غالي
لو الهدف كبر عين الطير لتصيبه
ا بقدرة الله وحكمة ربنا الوالي
ما دايم الوقت صافية ٍ مشا ريبه
من ينزل اليوم صبح يكون رحالي
وما يكتب الله لعبده لازم يصيبه
أرزاق مكتوبةٍ فاللوح وآجالي