ديوان شعر فايزبن حافظ السبر

ريمه

قال فايز:

المسعد اللي غاب ماشاف ريمه    غائب عن الجزار يوم استحبها
من صبح واقف وزنها هالصـريمه         ياما تلببها وياماعقبـــــــــــــها
يمناه قلطها يقيس الوظـــيمه         ويسراه عقبها لقاعة ذنبـــها
وهلت عيوني دمع ماهي بقيمه     أحفا محاجرها ولوا هدبـــها
وغديت نار وقدت في هشيمه         وقد عليها اللي يزايد حطبها
وقلت أصبري يالعين الحكيمه         أخذت فيها الطعمه اللي كتبها
ولونها صفرا تلاوي الشكيمه         لن جاء لزوم أرخصتها في طلبها
وقالت يازين افوافها في الخريمه     وصرارها منسوف على حجبها
قلت أيه هذا في الليالي القديمه     لن قودت للخوف وانا جنبها
واليوم في لازم ولاهي زعيمه         فطيرتنماباقي إلا عصبها
ولايقضي الازم ياكود الحشيمه        ولولا لزوم اليوم محدٍ جلبها

الوبر

قال فايز :

أخار منها من ثلاث على ساق         وبر ذبحته فـــوق الصـــفائح
نوشتيه ليا السهم عنه ما تاق         يوم الله اطعم منه ولياه طايح
في الكف مزغوف وفي الوسط لصاق     خطره بكبش مكبرين الذبايح

البئر 

قال فايز :

نديبي تولم فوق حمرا تكب الكور        لياحركوها ماتميز مواطيها
تولم عليها مرسلي عقب شق النور         بعد كمل  الأربع رفع كل أوانيها
عط الحوز ليننك تعقب مفيض مغور        وليا عقبت كل الصبخ لاتداريها
ترى الدرب ياطى منخر النايف المزبور         قصايدالدير ياحمود مانته بغاويها
 وممساك من خشم الغرابه إلى مجرور         ولن مالقيت الناس تلقى جواديها       
 وملفاك عمانك عسى خفها ماجور        يقول الموالي منهم الله يحييها
وقله يسلم شايبي ياحمى المظهور         ويصل السلام أقصى الجماعة ودانيها
وقله حفرله بير ويسوسله بقصور         مازلٌُن رمشه حي ماهو مخليها
ويباله قلايع غرس نتنابها المابور            مشوك ومتلبن من العين ناقيها
ويبا الطيبه يوم كف الردي مسمور        وانا الطيبه يازيد مناي بناسيها