بندق هديه:للشاعر حمود بن فايز السبر

بندق هديه
قال حمود بن فايز
جتني ياسالم منك بندق هديه         واهديتها ونحمد اللي قلعها
ماتستوي لالك ولاهي بليه         مرهمن نيشانها مع أصعبها
جاني قصيراً جار ماهو عنيه         واعطيته البندق وكم مشط معها
في سدها ماخذت ربع الوقيه         دنبا يفرق جنها اللي جمعها
تراني الكم فالليالي القسيه         مادام نفسي حيه انتم طمعها
وياسالم اسمع كان نفسك ذكيه     هرجة منافق بين الاقراب دعها
واللي حكا لي فيك فد قال فيا         دينه غموس اليا بغاها مصعها
وعلم فهد وعقاب مامن قضيه         لايتركون الربع في مجتمعها
دنيا بلاويها صباح وعشيه         ومن لا يقيس يضيقبه متسعها
بعض العرب ماينعذل عن نويه         وبكره تجيه مسممه يبتعلها
الناس جاتها عله باطنيه          الله يشفي قلوبنا من وجعها

------
رد سالم بن فايز
يامرحبا ببيوت جزل العطيه         اللي تفوح بعودها من ولعها
ينظم بيوته محكمات قويه         هزت شعور اللي قرا واستمعها
تقدمت لي كأنها الشاذليه         من دلة البغداد معها قدعها
اذوقها واطعم طعمها عذيه         ابدع بها من دارها وبتدعها
انا نقيت بشورة بوارديه         ان كان فيها عيب من اللي صنعها
يابو مبارك ماعليكم خفيه         خلفيتك بالوضع انته تضعها
واللي حصل غصب عليك وعليه         لا صارت الافكار تبغا نزعها
ماني مساوي الطيبه برديه         ولاتستوي للي يميز سنعها
تشتت الافكار اكبر خطيه         ومن سو ظنه طامنه مارفعها
هذا وحنا في الليالي الرخيه        تسوقنا الابصار لسوء طبعها
لاصار اخوك الخصم تبقاء قضيه         وتطيح في الانشاب ماتمتنعها
من لايقوم بواجبه يم خيه         وشلون تبغا خوته يتبعها