فائز بن حافظ السبر*

فائز بن حافظ السبر*

*ولد الشاعر فائز بن حافظ السبر سنة (1309 هـ 1889م ) في ضواحي مهد الذهب جنوب شرق المدينة المنورة وكانت حياته حافلة بكثير من الاهتمامات كما يتضح من شعره والشاعر عاش كما يعيش أبناء البادية متأقلما مع الظروف الصعبة التي مرت عليه وقد ظهرت موهبته الشعرية في شبابه وقد تميز أيضا بحبه لهواية الصيد وهذه ميزة من عاش في عصره للتغلب على الظروف المعيشة.وقد حدث تحول في حياة الشاعر عندما شارك في القوات السعودية بقيادة فيصل الدويش في حصار المدينة المنورة لإخراج الحامية العثمانية التابعة لحملات قوات محمد علي باشا من مصر (وهو ما عرف بينهم آنذاك بحصار ( البيه) وله إنتاج غزير من الشعر حسب المواقف والظروف وحفظ شعره أبناءه و محبيه الذين عايشوه في فترة حياته وقد حفظ له الكثير ممن سمع شعره , ونشر بعض من شعره في البرامج الشعبية السعودية ,

ويعد الشاعر من صفوة فرسان العقصان المعروفين من قبيلة العضيلات من مطير وهم :

1-طائع بن عيد

2-حافظ بن مبشر السبر

3-سعيد بن معتاد

4-مسعد بن معتاد

5-عابد بن رزيق

6-مسعود العير ( أبو براز- غازي )

7-هلال الرقابي العير

8-وسويد بن كاني الصواي

9-علوش بن ناشيء الصواي

10-خليف بن سريع الصواي

11- نامي بن ماوي الصواي

12- براز بن مسعود العير

13- فهدان بن هلال الرقابي العير

14- فائز هلال العير

15- مسفر بن هديب

16- معيض بن عياد السبر

17- فائز بن حافظ السبر

18- صقلان بن حافظ

19- محمد بن طائع

20- مطيع بن طائع

21- زامل بن رزيق

22- فالح بن مهمل السبر

ولقد تم لهم النصر كما عرف من سيرة الملك عبد العزيز آل سعود أثناء جهوده لتوحيد البلاد المملكة العربية السعودية . والشاعر بعد ذلك ترك حياة البداوة وعاش في الهجر حيث استوطن وادي ارن ومارس الزراعة رغم الظروف الصعبة التي مرت عليه ومن أعماله المميزة والحسنة حبه الشديد للضعفاء ممن يعرفهم جيدا صغيرا كان أو كبيرا . وقد تزوج سبع من النساء وله إحدى وعشرين من الأبناء والبنات من جميع زوجاته وفي أخر حياته عاش بالقرب من المدن الرئيسية وخاصة في مدينة الطائف وكانت وفاته سنة( 1399هـ - 1979م ) وله من العمر ما يقارب التسعين عاما .

الحياة

يا ما بديت براس حيد(ن) مهابة عسر( ن) على ولد الردي ما يعديه

أسري ومصباحي محل الذيابه اللي ليا حافت مصابيحها فيه

يومني أذوب شبات الذبابه واليوم آلامس مضرب الفرض وأخطيه

اليوم لضحاك مني عجابه اللي منول يوم يفلس نغدية

وإن جو لدير وهدة كلابه أنهض لهم المدرق مادرق فيه

مالي على بيت القصير انسحابه أخو(ن) لراعيته ليا غاب راعيه

ولا الردي لنشاف غرة جنابه أغار أغا رتله على حويته فيه

عدا عليه الداب سمه بنابه كل الليال السبع سمه مكاليه

وإن جا على التالين صوت وضبابه أثني يوم(ن) اللاش يلزم بناخيه

ولاجالي الفراع بين القرابه ولا أشيل من هذا لهذا ووديه

وأن كان ماهو صدق قولي عيابه يقطعك ياهرجن ولا الصدق حاميه

طايح الناع

وأبوي واطباقة عليه سمايه من عيشة(ن) جونيبها مالها أسناع

يارب عض في زادهم ياملايه من صيد مسلوب(ن) تمزع تمزاع

مسلوبة(ن)ماصلفقوها الرماية مضرب سهمها ثالم روس الأكواع

ياما بديت ابها على مستوايه في مرقب (ن) ما وايقة طايح الناع

مقابل (ن) دايم لراع الحضاية يصل الشعيب وله على البيت مرجاع

جده وبوه وخاله إلهم سنايه مجوده مناسبه كل الارياع

المقناص

يا مل عين (ن) يا حمد دمعها فاح جيت أمسحه بعمامتي ثم فاحي

يومني أذكر لي مع الصبح مسراح ومبداي مع نور الشعق للمضاحي

ولزمت صدرتهن لهنه بمبطاح وثارت ليا الأول دميه سفاحي

وألحقت قفشتها لهنه بعد طاح وتعطفن عليه قطم الفطاحي

وطرحت لي ثنتين والجول ماراح وقف(ن) إبالا(ن) نصح بيض الفقاحي

وذكرت حنين الحوير ليا صاح طافحة(ن) أمه مع طفيح الطياحي

ترازمن لعيالهن جن طفاح وتعاود(ن) مثل النعام المداحي

وذكرت مشي البدو لن بارق(ن) لاح وأصلاقهن لن شافوا البرق لاحي

ضليت معهم خاطري في الاشراح وضلت عدوم اليوم عندي شحاحي

وعز الله أن اللي مع البدو مرتاح وللي نزل وادي خلى ما استراحي

نجد(ن) ليا جت رجعته والحيا طاح كن السنه في نجد قيمة مراحي

واليوم لارايح ولاعاد مرواح ولاعادليه عن مشاوق مراحي

النجر

يانجر أجيك ّبن من هالزماني واليومه أوفيته وتبغاني أعطيك

دونه شهر جايبلك أربع أوزاني ولياك لاتنقه وأنا أزريت أماديك

عينت معزايه وعينت ضاني وأخذ من الحوثل بوجهي ووفيك

النجر*

أنته بنعمه عان عندك دهاني عندك دهان وعان عندك بني خيك

عاليه

ياليتني ويالغزال الفريدي في ماقع خالي تجول حباريه

يوحي تجرزم صافيات الحديدي في ماقع ولد الردي ماسكن فيه

نذبح بها الغافل ونثني المعيدي وأن كان ربي قاسم له لاغديه

إخذ الوصاه ودها ياسويدي وصل جوابي عاليه لين توحيه

من دونها الضبه وباب جويدي ومفتاحها مشيول في عب راعيه

وإن سيرت ولين معها عبيدي في جوف لمت العرب كيف أباجيه

مهرة

أنا وخالي كل واحد بقرقور ونغير اللي ما نورى شرابه

و افكرتي كل شراء غير مستور صم الرمك مع ربعته ماشتقابه

الناس تشري قحص الأمهار بجبور تشري وأنا خالي عدله ربابه

كل(ن) يطبح فوقها والثمن جور يعطي راعيها لين يضحك بنابه

يبون فوق ظهورها طيح الخور تستلحق التالي وتحمي عقابه

إليا أقبلن ولين في وجيهن نور وإليا ادبحن ثعلن مخيل سحابه

...

ثعاله

أنا ويا ثعاله حضنا أكبر من جبل ورقان تجوزنا ونص من العرب طاويهم الياسي

تمتعنا بملكتنا وزينتنا ليا ذلوان لعل أذنوبنا فرقابهم يا لابس الأسي

البندق

شريتلي بندق بسلم دني

مزغوف أبى عد البواطل عني

اقصر بها الطالات لاتصلني

وأنقا لها البارود من مجناه

كم واحد يضحك ويزرا مني

يحسب شراء الطيب يبا يفشلني

قلبي على صافي الحديد يحني

يومن ولد الاش ما يقناه

عديت صبح بخبه ماكماها أصبح بها في ماكر الواكراتي

لي بندق (ن) مزين تجرزم وحاها من خشم وحل اليا خشوم اجبواتي

أرهي ليا شفت اللحم مع قراها لون مرماها مرام الفواتي

وان كتبت الطعمه وربي نواها لودونها عشرين حساد جاتي

كم قايدة روح ولدها بلاها والقشعمي يقذع برجله وماتي

إدمي شحمنهن مغطى كلاها أصبحلهن قدام خلفا مشاتي

يوم الردي لن شاف ضيفه نصاها ويداه مسمورة عن الموجباتي

لن شاف ضيفه جا مسير يباها طبنجين عن حويته مايباتي

وتفرح ليا جاها مهضل عشاها كنه مهضلها ثمان إلقحاتي

مالومها ماشلّهافي هواها مشت دميه من سهوم الرماتي

أباه حتا مايحرف عليها حرفن عليه افميهن والماتي

ويلبس ثياب(ن)غالي(ن) مشتراها وإنتك فيها أكبر من أم القلاتي

0000

عديت في الحيد المطرف بخبه في المرقب اللي مابدا راسه اللاش

بسردا محدش نقلها ينصبه وريشه لها رده تورش توراش

أسريبها واصبح مع اقصى المغبه في موقع(ن) ماتاصله كل الادباش

يومن خطو اللاش عند الجلبه وقا م ينتهت والتنهت على ماش

وان جاء لزوم وشاف لازم يكبه يبا يكثر عندها العيش لاعاش

ويشح في سمن الغنم ما يصبه صبوا عليه اللي تقطش تقطاش

0000

أصبحت بالخبه اللي ست بطن وسته أشبار

في مرقب(ن) فيسر السعدان غيري مابدابه

مولع(ن)في فتيلتها واعدي كل مسبار

ابغابها جول عيدي(ن) تهاضع في رقابه

يازين تطبيحها في ربت(ن) قدام الانشار

في موقعا قدامنا مانيش ومنوني ذبابه

يثور بارودها في قحفها من نوشت النار

تعطيلها رزعتين ليا تجرزم من عرابه

صاحبي

قال فائز:

تل قلبي تل شاة(ن) لنقيعة تلة الدستن بربقه للجلايب

في شروره صاحبي مدري وديعه الله إن لايعودك من حرايب

يالله أفزعلي بردتك السريعة يوم مالي جار عقبه غير ثايب

قالت:

أصبري صبري وأنا ماني نزيعة لاتجرين الصياح مع الزرايب

أخذه قسمك وأنا طفله رضيعة باقي(ن) قسمي مايوزم بالطلايب

قال فائز :

ألا واو جودي وجد من جوزه ثياب على واحد(ن) في خشم رضوان يتناني

حداني صويلف عنه ليه ثلاث أوجاب نبا الدرب ياطى الحفر والقاع يحداني

الأشرم سعد يعطيبهنه دروب أصعاب وطبع ثلاث وفكهن رب الاحساني

عقاب

ياعقاب خل الباب على كراعه ورحب وكثر لتراحيب من جاك

وليا لفاك أجناب ولا جماعه إعزم والانثى لاتخاشرك في فرياك

وبدو فروض الدين معكم وداعه بكره يجي ملك ويتحكاك

والله رحوم ما يحب القطاعه وليا رحمت أضعيف يرحمك مولاك فنجال

الله على فنجال ما هو على غاز تصهد دلاله فوق جمر الصلوبي

وليا درج فنجالها يا فرج جاز صبه ورده فوق جمر(ن) شبوبي

رد ابنه حمد قال :

أخير منه اللي يولع بغماز وتشب ناره مع خلول الثقوبي

مكتوم دخانه وللكيف ممتاز لايحرق الطبخه ولابه عيوبي

مافاد شب النار في كل محواز ونجرك يدل مضيعين الدروبي

واليوم جاور راعي الفرن والغاز والكيف جاله راعي ينوبي

الكرم

ياجري ابا اوصيك ياشف بالي ضم الوصاه ان كان تاشتقيبها

ان جوك خطار العشاء في مجاعه دورلهم حائل كبير(ن) عصيبها

ولاتاخذ إلابنت ظفر(ن) مجرب ترى الدبالي ماتثلب نسيبها

لابد جالس مثلهم فوق نارك لابارك الله في حلال(ن) يجيبها

والحويه اللي ماتساعدك كبها وفتك منها قدم يحصل حبيبها

تراك تالي لوتبريت منها ياكلك على ريح ذخرك لهيبها

والقاله اللي بينه لاتهمك تهمك اللي مايباين طليبها

وإن كان في صدرك حواسيس كنها واصبر عليها كنها مادريبها

خله نهار المختلص والمخلص لاتباين إلا عقب يصدر مصيبها

وذرب هروجك خلها بالوقاره شي(ن) من الجابات ماينبديها

العود

قالن كبير وش نبابك مولي قلت أيه مار الكبر ماهو ذواريب

الكبر فرض(ن) مثل فرض المصلي بعد التشبب عنه مالي مجانيب

لابد مثلي كل وحده تضلي يبا يجيها الشيب ماعقبت طيب

وإن قالن إنشر قلت أنا وين أفلي وإن مالزمت العلم جاني عواقيب

والله يالو ماخاف شي يحصلي لقلبلهن مخالبي وإنقلب ذيب

أخاف مالقا من يصلح محلي وفي حال تاتخرب علي المشاريب

00000

يامل قلبا فيه عشرين طاري هاجوسه اللي فيه محرمني النوم

وان جبت ميسور الله اصبحت باري هذا يومني للمطاريش ملزوم

ياجدي رايح مني العزم ضاري وليا قعدت اليوم دوبني أقوم

وشبصرك أنا عود وانتم غثاري في عرف بالك من يبا يقنع اللوم

رد ابنه عبد الرحمن قال :

ياجدي جانا خط فيه الشواري شكوى وخط وغيرها قاف منظوم

واصبحت كني بين بايع وشاري ما يسمع البياع من لجة السوم

يدق قلبي مثل دق الشباري دقة رهيف الحد من كف شغموم

وارسلي الشايب حروفا بناري حطت على كبدي مضاريب وسهوم

قافا صبرني مثل صبر المثاري اللي على كبده غليله ومسقوم

هاذي اثنعشر عام اكافح جباري ولاني مبذر فالمعاني فشاري

لكن أخاف الصدق مالي مباري هاذي عوارض للبنادم ومقسوم

نبا نحيل الساق وديار الأرزاق اللي ملا فيها القنيني خميله

جونا مدير وقالوا العلم توكيد عشب(ن) جديد ومثلكم ينعنيله

وصائل يبا المعواد يم أرن لاعاد يبا ذوي عواد يم الثميلة

فالدرب هذا عن له غرس في رن عساة عند النيص ياكل نخيله

الخروف

تكفون من يستدلي في خروفي أرجي الخلف يوم(ن) مالي جواليب

اليوم قل الشوف ماعاد أشوفي ماعاد أحق عيارها واذبح الذيب

للي قعدله منسبه واحسوفي أهل السبت ومنقحين المشاعيب

رد أبنه حمود:

دوكيه عاين وقعها فالكتوفي باللي فشقها تنطله بالجواذيب

دعثر وسال الدم فوق الصروفي جات المنيه تدفعه والمكاتيب

إلك انتقينا ياعشير النصوفي ماعاد لك عند الذيابه مطاليب

البن

البن بيح ياعلوم العجايــــــــب ياحمود يرزقهن فتاح الأبـواب

العلم لن جنا الركيب تعايـــــب امطير ولا من نواويد الأجناب

أشري عشاهم لوعليه غرايب وأناحماية بيت جاري ليا غـاب

اليا التفت عن دربهم كل خايـــب الدرب مدلاجه على روس الأطناب

أنهض لهنه بالثناءوالغصايــــــب لن شانت الحزه وجات أم غصاب

الدله

قال فالح السبر:

ياعويشة يجعل ربي يحييك لعل يوم(ن)فيه جابوك عايد

يوم(ن)فائز وزن الأوجارراميك