الكرم
قال فايز السبر
ياجري ابا اوصيك ياشف بالي ضم الوصاه ان كان تاشتقيها
ان جوك خطار العشاء في مجاعه دورلهم حائل كبير(ن) عصيبها
ولاتاخذ إلابنت ظفر(ن) مجرب ترى الدبالي ماتثلب نسيبها
لابد جالس مثلهم فوق نارك لابارك الله في حلال(ن) يجيبها
والحويه اللي ماتساعدك كبها وفتك منها قدم يحصل حبيبها
تراك تالي لوتبريت منها ياكلك على ريح ذخرك لهيبها
والقاله اللي بينه لاتهمك تهمك اللي مايباين طليبها
وإن كان في صدرك حواسيس كنها واصبر عليها كنها مادريبها
خله نهار المختلص والمخلص لاتباين إلا عقب يصدر مصيبها
وذرب هروجك خلها بالوقاره شي(ن) من الجابات ماينبديها
هوجـــاس
قال فائزالسبر:
البارح امسى خاطري فيه هوجاس
ابيع واشري مادروا عني الناس
الليل كله ماطرق الجفن بنعاس
من خلفة الهجره وقطع المقاني
اللي من اول نبتهج من حليبها
وان جالها واجب جدعنا عصيبها
اليوم في سوق العبيدي نجيبها
ونبيع بثمان الهزال السمانـــــــي
من عام الاول كل ماقلت اظني
جاني زماناً مشتبه ثم اكلنــــــي
جاني زماناً ياكل الحوت جنـــــــي
لقط محاصيلي ليني مكــانــــــــي
اكلنــي الله ياكله مااسفر الكيـس
ولاعاد لي اسفار غير الدرابيـــــس
واعتن بحالي ياولي المحابيـــــــس
ياللي على تدبيــــرك المودمــانــي
وان كان جونا من بعيد المحــــــادي
نذبح لهم كبــش كبير الثنــــــــادي
يوماً بيت اللاش فيه اتحـــــــــــادي
ويحط بيته في عسير المكـــــــــاني
مربياً تيسه ورابي خروفـــــــــــــــــه
متوسعاً صــدره يومـنه يشوفــــــــه
مايحسباً الموت عجلةً سيــــــوفه
والمـــال للوراث والعمر فانـــــــــــي
ولا للفتى الا ماتقدم ايدينـــــــــــه
يعطيه عن نفسه وعن والدينـــــــه
مـــــادام مانونه يسهرج بيعيــــنه
ورزقه على الله ياالقلوب الذهاني
وليا انقطع رزقه وقرب كفـــــانــــــه
ضيق عليه الحزم شبرن مكـــــانه
واحدث عليه اعمى ذنبه لسانـــــه
واعمالهم ترمالهم بالوزانــــــــــــي
وللي كثير حسنته وارجحنبـــــه
ودوه للجنـــــه ومغفور ذنبـــــــــــه
وجنه حوريات الجنان وغدنبـــــــه
ماله طعــــــــــام الا ثمار الجنــان
وللي كثير سيته واعذابــــــــــه
مايمتنع خمه نكيـــر وغدابـــــه
ودوه لجحيماً يهيل اشتبابــــه
شرارها كبر الجمـــال المتانـــي
ويالله تكتبنا من الصـــــالحينِ
حنا وجميع اخوانا المسلميـنِ
وياللي سمعت امثالنا قول امينِ
يالله تغفر زلتي من لســــــاني
